Psa 58 | Vulgate_HebPs | STEP | victori ut non disperdas David humilem et simplicem quando misit Saul et custodierunt domum ut occiderent eum

Psalms 58

1 victori ut non disperdas David humilem et simplicem quando misit Saul et custodierunt domum ut occiderent eum 2 erue me de inimicis meis Deus meus et a resistentibus mihi protege me 3 libera me ab operariis iniquitatis et a viris sanguinum salva me 4 quia ecce insidiati sunt animae meae congregantur adversum me fortissimi 5 absque iniquitate mea et absque peccato meo Domine non egi inique et illi currunt et praeparantur 6 surge ex adverso pro me et respice et tu Domine Deus exercituum Deus Israhel evigila ut visites omnes gentes non miserearis universis qui operantur iniquitatem semper 7 revertantur ad vesperam et latrent ut canis et circumeant civitatem 8 ecce loquuntur in ore suo gladii in labiis eorum quasi nemo audiat 9 tu autem Domine deridebis eos subsannabis omnes gentes 10 fortitudinem meam ad te servabo quoniam tu Deus elevator meus 11 Dei mei misericordia praeveniet me [ (Psalms 58:12) Deus ostendit mihi in insidiatoribus meis ne occidas eos ne forte obliviscantur populi mei disperge eos in fortitudine tua et destrue eos protector noster Domine ] [ (Psalms 58:13) in peccato oris sui in sermone labiorum suorum et capiantur in superbia sua maledictionem et mendacium narrantes ] [ (Psalms 58:14) consume in furore consume ut non subsistant et sciant quoniam Deus dominatur Iacob in finibus terrae semper ] [ (Psalms 58:15) et convertantur ad vesperam et latrent ut canis et circumeant civitatem ] [ (Psalms 58:16) ipsi vagabuntur ut comedant et cum saturati non fuerint murmurabunt ] [ (Psalms 58:17) ego autem cantabo imperium tuum et laudabo mane misericordiam tuam quoniam factus es fortitudo mea et refugium in die tribulationis meae ] [ (Psalms 58:18) tibi cantabo quoniam Deus adiutor meus fortitudo mea Deus misericordia mea ]